وجهة نظر

 اعلان جماعة ارهابية :  لا يوجد نص فى القانون ( على حد علمى ) يبيح للسلطة التنفيذيه اعلان شخص او جماعه بانها جماعة ارهابية … الارهاب افعال وليس صفات وبالتالى يجب تقديم الافراد الى القاضى حتى يطبق نص قانونى معين من قانون العقوبات وقبل اصدار الحكم لا يجوز الصاق صفات قانونية على افراد او هيئات بدون اكتمال الاجراءات القانونية المتبعة فى ذلك .. فاذا كان الامر غير ذلك فعلى الحكومة اظهار النصوص القانونية التى تبيح لها اطلاق تلك الصفة …
حوار ارقام للابلاغ عن الاخوان : لا يوجد معنى لهذا الامر يستند للقانون  يعنى ايه ابلغ عن مواطن لمجرد انه اخوان ومحدش يقولى التزام الابلاغ عن الجرائم التزام عام على المواطنين .
1- قرار اعلان الجماعه ارهابيه اصلا غير مستند لحكم قضائى ومفيش قانون يبيح للحكومه الصاف وصف جنائى بشخص بدون حكم قضائى .
2- الابلاغ عن الجرائم ومرتكبيها يفترض وجود جريمه محدده مش صفه غير مستنده الى فعل .
3- حد هيقولى اصلا المجتمع شايف ان الاخوان بيقوما بكل التفجيرات هقوله لو الاخوان بتقوم بكل علميات التفجير كل الاخوان اقدر اقولك انه مياخدوا براءه لشيوع الاتهام يا بيه قدام اى محكمه حتى لو من غير محامى ولو ان المحاكمات الجنائيه تشترط توافر محامى .
4- لما الداخليه متمكنه اوى كده وهتستقبل التليفونات امال مش بترد ليه على بلاغات النجده اللى الناس بقالها 60 سنه بتعملها ويقولك فى ضغط على الداخليه .
5- مين ابو فكر جهبز اللى اخترع موضوع الاتصال ده وهيقدر يعرف ازاى يفرق بين البلاغات الحقيقيه والبلاغات الكيديه دا هبل .
6- لازم الناس تقدر تفرق بين قرار الحل كقرار ادارى يجوز الطعن عليه ( غير محصن ) امام مجلس الدوله . وقرار اعلان الجماعه ارهابيه اللى هو اصلا قرار منعدم ملهوش قيمه قانونيه .

اسلوب التعامل مع المتظاهرات   :  الاصل فى القانون انة فى حاله وجود اذن بالتفتيش او حاله من حالات التلبس وكان المتهم انثى لا يجوز لمامور الضبط القضائى ان يقوم بالتفتيش الا عن طريق انثى فيما يخص مواضع العفة حفاظاً للاداب العامه وحيث ان ما ورد من صور وفيديوهات كان فيها الهرج والخلط امرا هو السائد بما يجعل ملامسه مواطن العفه لدى الانثى هو الاصل فان الاجراء غير متفق وصريح القانون وبالتالى اذا كان التفتيش ممنوع بهذا الاسلوب فما بالنا بمجرد محاوله السيطره للقبض خاصه مع استخدام وسائل العنف رغم عدم وجود مبرر لها بعد توافر حاله الاستسلام للمقبوض عليها … والترويج بصور من مظاهرات اجنبيه يقوم فيها رجال الشرطه بالتعامل مع المتظاهرات بصوره تجعل مواطن جسديه تظهر للمقبوض عليها فى الصور الماخوذها لها من قبل مبررى موقف الداخليه اقل من ان يرد عليها او ان تنتقد لاختلاف المجتمع الشرقى عن الغربى كما ان المتظاهره فى الغالب هناك شبه عاريه فلا ضرر من زياده عريها اما هنا فهى غير ذلك ولن اتكلم عن تفاصيل جوفاء لا قيمه لها النص القانونى صريح والنخوه المصريه واضحه لا لبس فيها والتبريرات لا قيمه لها اما فيما يتعلق بالسحل فالسحل فى حد ذاته وان كان امرا غير مقبول ولكن من الامور الطبيعيه ان تحدث حيث ان المقبوض عليه يحاول تعطيل نقله الى عربات الترحيلات ولكن لما اصلا القبض فى حالات التعبير عن الراى ؟ اما فى حديثى مع الفكرالاخوانى احب ان اوضح ما اقرب اليوم بالامس …اللى يقول  نصوص قانون العقوبات من مواد 86 وما بعدها بتنص على الارهاب هقوله القانون يخاطب القاضى ولم يخاطب السلطه التنفيذيه باى اجراء ضد المتهمين قبل الحكم فى القضية